Please assign a menu to the primary menu location under menu

Кујна

Рецепт: Бајадера

Рецепт на Бетина Кузевски од блогот „Зготвено со љубов“

Везилка Магазин

Состојки

Темен слој

  • 200гр. путер
  • 180мл. вода
  • 300гр. шеќер во прав
  • 200гр. темно чоколадо
  • 350гр. мелени бисквити
  • 250гр. мелени ореви

 

Светол слој

 

  • 200гр. путер
  • 180мл. вода
  • 300гр. шеќер во прав
  • 350гр. мелени бисквити
  • 250гр. мелени ореви

 

Глазура

 

  • 220гр. темно чоколадо
  • 60гр. свинска маст или путер

 

Подготовка

 

Во тенџере ставете го путерот, шеќерот и водата и ставете на средна температура да се вари додека да почне да врие. Промешувајте повремено. Тргнете го на страна, додадете го исечканото чоколадо и мешајте додека да се стопи.

Во длабок сад ставете ги бисквитите и оревите, додадете ја врелата течност и мешајте со шпатула додека состојките убаво се спојат. Ставете ја смесата во тава во која сте ставиле хартија за печење и убаво израмнете ја. Ставете во фрижидер да се излади и стегне.

Светлиот слој подгответе го исто како и темниот, само што тука не се става чоколадо. Овој слој распоредете го врз изладениот темен слој и ставете повторно во фрижидер да се излади и стегне бајадерата.

За глазурата, чоколадото и маста или путерот ставете ги во тенџере на средна температура да се стопи и налејте додека е топло врз бајадерата. Повторно ставете во фрижидер да се излади убаво.

Сечете парчиња со остар нож кој претходно сте го ставиле на кратко во врела вода.

*************************************

„Зготвено со љубов“ е блог за готвење позади кој стои Бетина Кузевски, Македонка која живее во Германија и која успешно ги комбинира своите две најголеми страсти – готвењето и фотографијата.

Везилка Магазин

Напишете коментар

„Нема малцинства - Балада за македонската дијаспора“ - онлајн проекција, код за 20% попуст MKUD20
This is default text for notification bar