Кујна

Рецепт: Брза пита со готови кори

Рецепт на Бетина Кузевски од блогот „Зготвено со љубов“

Views
Везилка Магазин

Состојки

  • 500гр. тенки кори (за баклава)
  • околу 200мл. зејтин
  • 300гр. сирење
  • 4 јајца
  • околу 400мл. млеко

За премачкување на питата

  • 2 лажици зејтин
  • 2 лажици газирана вода

Подготовка

Вклучете ја рерната да се загрева на 200 степени.

Корите поделете ги по 3-4 за секој ролат.

Секоја кора се прска со неколку лажици зејтин. На третата кора се става дробено сирење, се витка внимателно во ролат и се реди во правоаголна тава. Од 500гр. кори мене ми излегуваат 5 ролати. Откако ќе ги направите ролатите, премачкајте ги со мешавината од зејтин и газирана вода и исечете ги на парчиња со големина по ваша желба.

На страна изматете ги јајцата со жица за матење, насолете и додадете го млекото. Со оваа смеса налејте ја питата и ставете да се пече 30 минути на 200 степени и уште 10 минути на 180 степени.

Оставете малку да излади па служете.

 

*************************************

„Зготвено со љубов“ е блог за готвење позади кој стои Бетина Кузевски, Македонка која живее во Германија и која успешно ги комбинира своите две најголеми страсти – готвењето и фотографијата.

Везилка Магазин

Напишете коментар