Лисната пита со сирење по рецептот на мајка ми со вкус и мирис од детството. Кога веќе вкусовите и мирисите не можам да си ги купам, засукувам ракави и си ја правам оваа пита или како уште ја нарекуваат Сеченица… Рецептот е од баба ми оригинален, мајка ми често ја правеше, па еве и дојде редот и јас, па здравје Карина на своите деца и така семејната традиција продолжува…
СОСТОЈКИ:
- 500 гр. брашно
- 3 дл. млака вода
- 1 јајце
- 1 лажица сув квасец
- 1 лажиче сол
- Маст
Фил:
- 400гр. сирење
ПОДГОТОВКА:
Се замесува тесто со брашното и останатите состојки.Тестото се дели на 24 топчиња. Секое топче се расукува во облик на тањир округол и се мачка со маст и се составуваат 3 ( едно врз друго) третото (горно не се мачка). Постапката се повторува 8 пати.
Во округол плех намачкан се расукува кора од првите 3. Се прска со маст и дробено сирење. Постапката се повторува и со следните 7 меѓу секое издробено сирење. Питата се сече на коцки и се прска со маст. Се остава да скисне 30 минути. Се пече на 200 степени.
**********
Маргарита Радош е адвокат по вокација и страствен вљубеник во готвењето, која веќе 15 години живее и работи во Будимпешта. Таа верува дека најдобар начин да се доближе и запознае народ и неговата култура и традиција, е преку кујната. Заради оваа причина Маргарита си поставила мисија да се доближи до луѓето секаде низ светот, да го доживеат шармот и егзотиката на Балканот, да уживаат во царската монархија, да патуваат со неа и да се чувствуваат како дома секогаш и во секое време кога ќе го посетат нејзиниот блог Margarita Food.
