Секоја година на, или околу, 22 Септември, градовите низ целиот свет го слават Светскиот ден без автомобили, охрабрувајќи ги возачите да се откажат од своите автомобили на еден ден. Настанот ги истакнува бројните придобивки од движењето без автомобили – вклучително и намаленото загадување на воздухот, промовирање на пешачењето, како и возење велосипед во побезбедна средина.
World Carfree Network вели дека Светскиот ден без автомобили може да биде излог за тоа како може да изгледаат, да се чувствуваат и да звучат нашите градови без автомобили… 365 дена во годината.
Во меѓувреме, секоја година од 16 до 22 септември, европските градови ја покажуваат својата посветеност за чист и одржлив урбан транспорт за време на #MobilityWeek.
Деновите без автомобили се и можност градовите да понудат алтернативни употреби на сообраќајните патишта. Трки на возила со погон на алтернативна енергија во Будимпешта, јавање коњи во Сао Паоло, улични излети во Виена и трчање во Џакарта – градовите и луѓето што живеат во нив, на овој важен ден, ги потенцираат алтернативите на автомобилите.
